പാലാക്കാട് ജില്ലാ കലക്ട്രെറ്റില് വൈകീട്ട് മൂന്നര മണിയോടെയാണ് യോഗം. യോഗത്തില് പങ്കെടുക്കാന് രാഷ്ട്രീയ പാര്ട്ടി പ്രതിനിധികളോട് ജില്ലാ കലക്ടര് മൃണ്മയീ ജോഷി അഭ്യര്ഥിച്ചു. ജില്ലയിലെ മന്ത്രി കെ കൃഷ്ണന് കുട്ടി യോഗത്തില് അധ്യക്ഷത വഹിക്കും. പാലക്കാട്ടെ നിലവിലെ സ്ഥിതി ചര്ച്ചചെയ്യാനും അടിയന്തിര നടപടികള് സ്വീകരിക്കാനും ഇന്നലെ (ശനി) രാത്രി ഉയര്ന്ന പൊലിസ് ഉദ്യാഗസ്ഥരുടെ യോഗം നടന്നിരുന്നു
കേരളത്തെ കൊലക്കളമാക്കുന്ന സംഭവങ്ങള് ആവര്ത്തിക്കാതിരിക്കാനും സമാധാനം ഉറപ്പുവരുത്താനും ജാഗ്രത പുലര്ത്തണമെന്ന് മുസ്ലിംലീഗ് സംസ്ഥാന പ്രസിഡന്റ് പാണക്കാട് സയ്യിദ് സാദിഖലി ശിഹാബ് തങ്ങള് അഭ്യര്ത്ഥിച്ചു. പാലക്കാട്ട് നടന്ന കൊലപാതകങ്ങള് ദൗര്ഭാഗ്യകരമാണ്.കൊലപാതകങ്ങളിലൂടെ പ്രശ്നങ്ങള് പരിഹരിക്കാമെന്ന ചില സംഘടനകളുടെ ധാരണ ശരിയല്ല.സംസ്ഥനത്ത് സമാധാനം ഉറപ്പുവരുത്തുന്നതില് സര്ക്കാരും ഭരണസംവിധാനങ്ങളും ജാഗ്രത പുലര്ത്തണം